659
Теннистен ӘЧ: Қазақстан жасөспірімдер құрамасы алғашқы жеңісіне қол жеткізді
Қазақстандық жасөспірім қыздар бастапқы кездесуінде Вьетнам құрамасын 3:0 есебімен ойсырата ұтты.
![Теннистен ӘЧ: Қазақстан жасөспірімдер құрамасы алғашқы жеңісіне қол жеткізді](https://turkystan.kz/cache/imagine/1200/uploads/resized-images/2024/05/1715672051.jpg)
Шымкент қаласында Belline Arena ұлттық теннис орталығында Asia/Oceania Final Juniors Billie Jean King Cup іріктеу турнирінің алғашқы күні мәресіне жетті.
Қазақстандық жасөспірім қыздар бастапқы кездесуінде Вьетнам құрамасын 3:0 есебімен ойсырата ұтты.
Алдымен Альбина Кәкенова Нгуенге еш мүмкіндік қалдырған жоқ – 6:1, 6:1. Содан кейін Ариана Гогулина Вуды тізерлетті – 6:1, 6:2.
Жұптық бәсекеде А.Кәкенова Ева Корышевамен бірге Ву – Квангқа бір ғана гейм берді – 6:0, 6:1.
А тобында Қазақстан бірінші, Жапония екінші орында келеді. Қос командада үш ұпайдан бар.
Бүгін Ярослава Шведованың шәкірттері жапониялық қыздарға есе жіберген Индонезиямен ойнайды.