Жүргізуші ауруханаға жатуды қажет етпейді, деп хабарлады turkystan.kz порталы Pavlodarnews.kz сайтына сілтеме жасап.
Облыстық Төтенше жағдайлар департаменті баспасөз қызметінің мәліметінше, бүгін сағат 19:15-те «112» нөміріне «Алюминий зауыты» маңындағы жолда сұйық битум тасымалдайтын «КамАЗ» көлігі аударылып, салдарынан битум төгілгені туралы хабарлама түсті. Оқиға орнына НГПС (Алюминий зауытының өрт сөндіру бөлімі), 1 автоцистерна және жеке құрамның алты адамы шықты.
– Төгілу көлемі 260 шаршы метр аумақта шамамен 19,5 тонна сұйық битумды құрады. НГПС-тен төгілу алаңына көбік жеткізілді. Төтенше қызмет қызметкерлері де қажет болған жағдайда көбік жеткізу үшін оқиға орнына келді. Төгілу алаңы қоршауға алынды. Трамвай қозғалысы тоқтатылды, – делінген хабарламада.