Сидней Олимпиадасының күміс жүлдегері Ислам Байрамуков жаңа қызметке тағайындалды
Ислам Байрамуков – еркін күрестен Еңбек сіңірген спорт шебері және Сидней Олимпиадасының күміс жүлдегері.
![Сидней Олимпиадасының күміс жүлдегері Ислам Байрамуков жаңа қызметке тағайындалды](https://turkystan.kz/cache/imagine/1200/uploads/resized-images/2024/04/1713176376.jpeg)
Туризм және спорт министрлігі Спорт және дене шынықтыру істері комитетінің хабарлауынша, Ислам Байрамуков Алматы қаласындағы «Республикалық спорт колледжінің» директоры лауазымына тағайындалды.
Ислам Байрамуков – еркін күрестен Еңбек сіңірген спорт шебері және Сидней Олимпиадасының күміс жүлдегері. 1971 жылы Жамбыл облысының Каменка ауылында дүниеге келген. Республикалық олимпиада резерві училищесін (1989); Қазақ мемлекеттік дене шынықтыру институтының «Дене шынықтыру мен спорт оқытушысы» мамандығын бітірген (1993).
«Штаттық ұлттық командалар мен спорттық резервтің дирекциясы» РМКК спортшы-нұсқаушысы (1993-2004). Әл-Фараби атындағы Қазақ ұлттық университетінің «Құқықтану» мамандығын (2003), Мәскеу әлеуметтік-гуманитарлық университетін (Қаржы және экономика) (2005) аяқтаған.