Интерпол іздеу жариялаған екі қылмыскер Қазақстанда ұсталды
Қазіргі таңда қылмыскерлер қамауға алынды, оларды экстрадициялау мәселесі шешіліп жатыр.
![Интерпол іздеу жариялаған екі қылмыскер Қазақстанда ұсталды](https://turkystan.kz/cache/imagine/1200/uploads/resized-images/2024/04/1712659891.jpeg)
Қазақстан ІІМ Интерпол Ұлттық орталық бюросы криминалдық полиция қызметкерлерімен бірлесіп, Алматы қаласының халықаралық әуежайында халықаралық іздеуде жүрген ҚХР азаматтарын ұстады, деп хабарлады turkystan.kz.
Polisia.kz сайтының мәліметінше, ұсталғандардың бірі Қытайдың құқық қорғау органдарымен іздестірілген.
«Ол Харбин қаласы Даоли ауданының базарында 100-ден астам сатушыдан ақша бопсалаған. Қылмыскер Вьетнамнан шығып, Қазақстанға Катар арқылы кірмек болған. Ал екінші ер адамды Сауд Арабиясының құқық қорғау органдары Эр-Рияд қаласындағы әйгілі дүкендерден аса ірі мөлшерде зергерлік бұйымдарды ұрлағаны үшін іздеуге жариялаған. Келтірілген шығын 200 мың АҚШ долларынан асады», - делінген хабарламада.
Қазіргі таңда қылмыскерлер қамауға алынды, оларды экстрадициялау мәселесі шешіліп жатыр.