730
Жетісу облысында жүк көлігімен жеңіл автокөлік соқтығысып, бір адам көз жұмды
Жолаушы ретінде кетіп бара жатқан әйел түрлі жарақаттармен аудандық ауруханаға жатқызылды.
![Жетісу облысында жүк көлігімен жеңіл автокөлік соқтығысып, бір адам көз жұмды](https://turkystan.kz/cache/imagine/1200/uploads/resized-images/2024/02/1708509739.jpg)
Жетісу облысында жеңіл автокөлік жүк көлігімен соқтығысып, бір адам көз жұмды, деп хабарлады turkystan.kz.
Жол апаты 21 ақпанға қараған түні Сарқан ауданындағы Алматы – Өскемен автожолының 455 шақырымында орын алды.
«Nissan Terrano жүргізушісі жолдың қарсы жолағына шығып кетіп, DAF XF 105 жүк көлігімен соқтығысқан. Оқиға орнында жеңіл автокөліктің 30 жастағы жүргізушісі қаза тапты», – делінген ІІМ-нің хабарламасында.
Жолаушы ретінде кетіп бара жатқан әйел түрлі жарақаттармен аудандық ауруханаға жатқызылды. Жол апаты бойынша қажетті сараптамалар тағайындалып, сотқа дейінгі тергеу амалдары басталды.