Баланың анасы полиция қызметкерлеріне алғысын білдірді.
Шымкенттік полицейлер үйінен белгісіз бағытқа шығып кеткен жасөспірімді тапты, деп хабарлады turkystan.kz.
Оқиға ақпан айында күндізгі уақытта болған.
«11 жастағы жасөспірімнің ата-анасы дабыл қағып, полиция қызметкерлердің көмегіне жүгінді. Жедел басқару орталығы мен патрульдік полиция полкінің инспекторлары барлық күштерді жұмылдырып, тез арада жоғалған баланың ізіне түсті», – делінген хабарламада.
Otyrar.kz сайтының дерегінше, бала аман-есен отбасына оралды.
Өз кезегінде, баланың анасы полиция қызметкерлеріне алғысын білдірді.
