2086
Оралда жолаушылар тасымалдайтын шағын автобус жанып кетті
Оқиға 10 ақпан күні сағат 12.59-да Мұхит көшесі бойында болды
![Оралда жолаушылар тасымалдайтын шағын автобус жанып кетті](https://turkystan.kz/cache/imagine/1200/uploads/resized-images/2024/02/1707634694.webp)
Орал қаласында орталық базар маңында №1 бағытта жолаушылар тасымалдайтын «ГАЗель» автобусы өртенді, деп хабарлады turkystan.kz БҚО ТЖ департаментінің баспасөз қызметіне сілтеме жасап.
Автобус аялдамасы жанында «ГАЗель» автокөлігі жанды. «Тілсіз жау» сағат 13.10-да оқшауланып, 13.14-те ауыздықталды. Зардап шеккендер жоқ. Оқиға орнында 5 адам 1 техникамен жұмыс жасады. Қазіргі кезде өрттің шығу себебі, келтірілген шығын анықталу үстінде, - деп хабарлады ведомстводан.