Кәсіпқой теннисшілер қауымдастығы (АТР) жекелей және жұптық сында теннисшілердің рейтингін жариялады, деп хабарлады turkystan.kz BasSport.kz сайтына сілтеме жасап.
Алғашқы үштік өзгеріссіз: серб Новак Джокович, испаниялық Карлос Алькарас, ресейлік Даниил Медведев.
Қазақстанның бірінші ракеткасы Александр Бублик 27-орыннан 23-орынға көтеріліп, рейтингте өз рекордын жаңартты. Жақында ғана еліміздің азаматтығын алған Александр Шевченко үш саты жоғарылап, 56-орынға тұрақтады. Денис Евсеев – 177-ші, Бейбіт Жұқаев 191-орында тұр.
Жұптық сында Рохан Бопанна (Үндістан), Мэттью Эбден (Австралия) және Остин Крайчек (АҚШ) көш басында келеді.
Отандық теннисші Александр Недовесов 48-ші, Андрей Голубев 63-орынға жайғасты.