Екібастұзда жүкті әйел биіктіктен құлап, көз жұмды

Екібастұзда жүкті әйел биіктіктен құлап, мерт болды, деп хабарлады turkystan.kz.

Pavlodarnews.kz сайтының мәліметінше, ол дәрігерлер келгенге дейін көз жұмды.

Облыстық жедел жәрдем станциясына 23 қаңтарда түнгі сағат 01:42-де биіктіктен құлау туралы қоңырау түсті. 

«Медициналық бригада шұғылдықтың бірінші санаты бойынша шықты. Жедел жәрдем бес минутта жетті. Оқиға орнында 30 жастағы жүкті әйелдің мерт болғаны анықталды,– деді станцияда. 

Полиция департаменті жазатайым оқиғаға қатысты әзірше түсінік берген жоқ.