Үшем 18 қаңтар күні Астанадағы №2 қалалық көпсалалы аурухананың акушерлік блогында дүниеге келді, деп хабарлады turkystan.kz елорда әкімдігінің ресми сайты.
Сәбилердің анасы Ажар Қабитова жұбайымен бірге 2020 жылы дүниеге келген қыздары мен 2022 жылы туған егіз балаларын тәрбиелеп отыр. Жас ана жүктіліктің 34-ші аптасында босанды, сәбилерінің бәрі - ұлдар. Балалардың салмағы 3000 грамм, 2300 грамм және 2500 грамм болып туған.
Айта кетсек, жаңа туған нәрестелер бір аптаға жуық уақыттан бері №2 қалалық көпсалалы ауруханасында жатыр.
Дәрігерлердің айтуынша, балалардың денсаулығы жақсы, аздап салмақ қосып жатыр. Ұдайы дәрігерлердің бақылауында. 24 қаңтар күні үйлеріне шығарылады.
Сәбилерін дүниеге әкелуіне көмектескені үшін Ажар өзінің Instagram аккаунтында дәрігерлер мен медицина қызметкерлеріне алғысын білдірді.
Балалардың атын әлі қоймадық. Әзірге Әміре, Әлихан, Әмірхан деп ойлап отырмыз. Бес күн дәрігерлер қарауында болдық, бәрі жақсы. "Астана қаласындағы №2 қалалық көпсалалы аурухананың медициналық персоналы мен акушерлік блок дәрігерлеріне, атап айтқанда, Ардана Айдарбекқызы мен Венера Усаинқызына алғысымды білдіремін. Сіздердің қамқорлығыңыз, жылулығыңыз және кәсібилігіңіз менің өмірімнің осы маңызды сәтінде сенімділік пен қауіпсіздік атмосферасын сыйлады.
Жұмыстарыңыз үшін және жаңа өмір бастауға қосқан үлестеріңіз үшін рақмет!", - деп жазды ол.