Шәкен Айманов атындағы «Қазақфильм» киностудияның аумағын қытай көліктерінің тұрағына айналдырды деп басы дауға қалған Азамат Сатыбалдыны әріптесі Меруерт Түсіпбаева сынады, деп хабарлады turkystan.kz stan.kz сайтына сілтеме жасап.
Актриса қоғамдағы мәселелерге бей-жай қарамай, өткір пікір білдіреді.
«Кезінде, Азамат Сатыбалды, Есентаеваның «Баян сұлу - Қозы Көрпеш» сериалын сынағанымда, мені «хайп қуып отыр» деп сұхбат беріп еді! Ақыры ол сериалдың көрсетілуіне тыйым салынды. Енді, «КТК» телеарнасына сұхбат беріп , «Мен өзімді сатам ба, оны өзім білемін» депсің. «Өтініш» өзіңді сат, тек қара шаңырақтан қолыңды тарт! Менің атам Шәкен Айманов атындағы қара шаңырақтың ауласын «қытайдың көліктеріне толтырам ба, оны жарнамалаймын ба, өз еркім» депсің. Қытай көлігін кіргізгенің – қақпаны қытайларға ашқаның!
Ойлан, баста дәурен тұрмайды, бауырым. Асыра сілтеме! Қаншама «крышам плотный» дегендер абақтыда отыр. Арыстанбектің өміріне үңіл. Сенен бұрын да «Қазақфильм» болған, Қытайдың көліктерін аулаға қоймай-ақ күн көрген. Қолыңнан келмесе, орынды босат! Өз еркің содан кейін, Қытайдың көлігін сат, өзіңді сат. Тек арыңды сатпа, бауырым! Ақша табылады ғой, абырой қымбаттырақ. «Қазақфильмнің» тұрған жері мықты, талай ашкөз үй саламын деп көз тігуде, ол да бар. Кім біледі? Қай мақсатпен Азамат Сатыбалды қара шаңырақты қытай «автобазарына» айналдырып отыр?! Сұрақ көп. Сен «Қазақфильмді» құрдымға кетіріп, орнына бай-бағландар үй, вилла салсын деп келдің бе? Шыныңды айт, аспаннан жерге түс!», – деп ашуланды Меруерт