Елорда сыртындағы барлық бағыт бойынша жол қозғалысы шектелді, деп хабарлады turkystan.kz «Қазавтожолдың» баспасөз қызметіне сілтеме жасап.
Жол қызметтері күшейтілген режимде жұмыс жасауда.
«Сонымен қатар, ауа-райының нашарлауына байланысты Ақмола, Батыс Қазақстан, Қарағанды, Қостанай, Солтүстік Қазақстан және Павлодар өңірлерінің аумағындағы бірқатар жолда көлік қозғалысына шектеу енгізілді», – делінген хабарламада.
Жалпы ұзындығы 2,9 мың шақырымды құрайтын 26 күре жол жабық. Бұл республикалық маңызы бар жолдар желісінің 12%.
Қысқы күтіп-ұстау жұмыстарына 230 бірлік арнайы техника мен 300 маман жұмылдырылды. 120 м3 құм-тұз қоспасы пайдаланылды.