Облыстық Полиция департаментінің мәліметінше, Балқаш аудандық полиция басқармасына аурухана фельдшерінен аудан орталығындағы пәтерлердің бірінде 31 жастағы полиция қызметкерінің өзіне қол жұмсағаны туралы ақпарат түскен. Аталған факті ҚР Қылмыстық кодексінің 105-бабының 1-бөлігі бойынша тіркелді.
«Қайтыс болған азаматтың отбасында жеке проблемалары болған. Ол да қылмыстық тергеу аясында тексерілетін болады. Қазіргі уақытта істің жан-жақтылығын және объективті тергеп-тексеруді қамтамасыз ету үшін сараптамалар тағайындалып, барлық қажетті тергеу әрекеттері жүргізілуде», - деп хабарлады департаменттен.
Ведомстводан атап өткендей, тергеу барысы облыстық полиция бастығының бақылауына алынды.
Өзге ақпарат ҚР Қылмыстық кодексінің 201-бабына сәйкес жария етуге жатпайды.
