«Міржақып. Оян, қазақ!» фильмінің өткен аптадағы кассалық жиналымы шетелдік киноларды басып озды.
Тicketon.kz сайтының мәліметінше, отандық фильм 107 млн 67 мың теңгемен бірінші орынға шықса, екінші орынды отандық комедиялық фильм – CocoJanbo 62 млн 572 мың теңгемен басқан.
Ал «Изгоняющий дьявола: верующий» шетелдік фильмі 45 млн 371 мың теңгемен үшінші орынға жайғасты. Сонымен қатар үздік ондықта отандық «Байдың қызын аламын» және «Белгісіз батырлар» фильмі де бар.