Қытайдың Ханчжоу қаласында өтіп жатқан ХІХ жазғы Азия ойындарында қазақстандық боксшы Қамшыбек Қоңқабаев финалға шықты, деп хабарлады turkystan.kz.
92 келі салмақ дәрежесінде сынға түскен отандасымыз жартылай финалда үндістандық Нариндеермен кездесіп, 5:0 есебімен жеңді. Осылайша, Париж Олимпиадасының жолдама алды.
Айта кету керек, Қамшыбек Қоңқабаев – бокстан ерлер құрамасы сапында Олимпиада жолдамасына ие болған әрі финалға шыққан жалғыз боксшы.
Бұған дейін Азия ойындарында Асланбек Шымбергенов (71 келі) пен Сағындық Тоғамбай қола жүлде алды.