Қазақстандық боксшы Махмұд Сабырхан Қытайдың Ханчжоу қаласында өтіп жатқан жазғы Азия ойындарында алғашқы жекпе-жегінде жеңіске жетті, деп хабарлады turkystan.kz.
57 келіде сынға түскен отандасымыз Оңтүстік Корея елінен келген Ичан Лиді жеңді.
Махмұд Сабырхан екінші раундта қарсыласын нокдаунға түсірді. Нәтижесінде төрешілер 5:0 есебімен жеңісті қазақстандық боксшыға берді.
1/8 финалда Махмұд Сабырхан Солтүстік Корея елінен келген боксшымен жұдырықтасады.