Kausar Travel директоры сотта Бекболат Тілеухановқа қатысты мәлімдемесін айтты
Сот процесі басталғанға дейін сотталушы журналистермен сөйлесуге және істің анық-қанығын бөлісуге ниет білдірді.
Мекке мен Мединаға қажылыққа баратын қазақстандықтарды алдаған Кausar Trаvel туристік фирмасының басшысы сотталды, деп хабарлады turkystan.kz otyrar.kz сайтына сілтеме жасап.
Оған жүздеген қазақстандықты алдады деген айып тағылған еді. Қажылардың әрқайсысы қасиетті жерлерге бару үшін кем дегенде мың доллар төлеген. Олардың кейбіреулері Қазақстаннан ұшып кете алмаса, ал кейбіреулері шетелде баспана, ақша, тамақсыз қалды.
Сот процесі басталғанға дейін сотталушы журналистермен сөйлесуге және істің анық-қанығын бөлісуге ниет білдірді.
«ҰҚК-ға, Шымкент ПД-ға және инстанцияға арыз жаздым. Іс бойынша Бекболат Тілеуханов та өтуге тиіс. Ол алданған адамдардың барлық ақшасын алып кетті...» - деді сотталушы сот процесі басталғанға дейін.
Сотта 300-ге жуық адам куә болды. Зардап шеккендер одан да көп болуы мүмкін. Сот жарыссөзінде прокурор компания директорын 4 жыл 8 айға бас бостандығынан айыруды сұрады.
«Сот үкімімен сотталушы кінәлі деп танылып, 6 жылға бас бостандығынан айырылды. Ол жазасын орташа қауіпсіздік мекемесінде өтейді», - деді судья Айнель Орақбаева.
Турфирма директоры өз кінәсін мойындамады.
Айта кетейік, жанжал биыл қаңтарда, ал сот процесі шілдеде басталды. Шамамен екі ай бойы судья осы іс бойынша зардап шеккендер мен куәгерлерден жауап алды.
