44 жастағы жолаушы оқиға орнында көз жұмды
Жетісу облысында жолға шауып шыққан жылқы адам өліміне себеп болды, деп хабарлады turkystan.kz Polisia.kz сайтына сілтеме жасап.
Жол апаты 15 қыркүйек күні таңертең Алматы - Өскемен автожолының 136-шақырымында болған.
«Honda Element автокөлігі жолға кенеттен шауып шыққан жылқыға соғылған. Көліктің салонында болған 44 жастағы жолаушы оқиға орнында көз жұмды», - делінген хабарламада.
Қазіргі уақытта полицейлер жылқының иесін анықтау үшін қажетті шараларды жүргізіп жатыр.
