50292
Алматыда автокөлік аялдамаға соғылып, 7 адам зардап шекті
Алматыда автокөлік аялдамаға соғылып, 7 адам зардап шекті
Алматыда жеңіл автокөлік автобус аялдамасына соғылды, салдарынан 7 адам зардап шекті. Бұл туралы қаланың Полиция департаменті хабарлады.
Оқиға дүйсенбі 12:20-да болған.
36 жастағы жүргізуші Mercedes көлігімен оңтүстік бағытта Абылай хан көшесімен келе жатқан. Райымбек даңғылына бұрылып жатқанда ол рөлге ие бола алмай, аялдама кешеніне соғылған.
«Жол апаты салдарынан аялдамада тұрған 7 адам зардап шекті. Олар қаланың медициналық мекемелеріне жеткізілді», - делінген хабарламада.Бұл факті Алмалы ауданы полиция басқармасында тіркеліп, өндіріске алынды.
Посмотреть эту публикацию в Instagram
