Мәсімовтер жалпы режимдегі колонияға ауыстырылады

Ұлттық қауіпсіздік комитетінің (ҰҚК) бұрынғы төрағасы Кәрім Мәсімов және ҰҚК, ҰҚК департаментінің бірқатар бұрынғы басшылары, сондай-ақ Павлодар облысы Полиция департаментінің (ПД) бұрынғы бастығы Нұрлан Мәсімов Шығыс Қазақстан облысындағы колонияға ауыстырылады, деп хабарлады turkystan.kz ҚазТАГ-қа сілтеме жасап. «ҰҚКД-нің бұрынғы бастықтары: Алматы облысы бойынша – Сәбит Құрманаев, Қызылорда облысы бойынша – Аслан Рахимов, Алматы бойынша – Нұрлан Мәжілов, сондай-ақ Павлодар облысы ПД-нің бұрынғы бастығы Нұрлан Мәсімов Өскеменге ауыстырылады. ҰҚК-нің бұрынғы төрағасы Кәрім Мәсімов пен оның бұрынғы орынбасарлары Әнуар Садықұлов пен Дәулет Ерғожин де Өскемендегі жалпы режимдегі түзеу колониясына көшіріледі», - деп ҚазТАГ редакциясына сәрсенбіде хабарланған. ҚазТАГ құқық қорғау органдарына сипатталған жағдайға қатысты сұрау жіберді.

Серіктес жаңалықтары