50244
Петропавлда Қазақстанда заңсыз жүрген бірнеше бала анықталды
Петропавлда Қазақстанда заңсыз жүрген бірнеше бала анықталды
Петропавлда Орталық Азия мемлекеттерінің бірінен келген балалар анықталды деп хабарлады turkystan.kz Tengrinews.kz сайтына сілтеме жасап.
"18 сәуір СҚО Полиция департаменті ҚР ҰҚК СҚО бойынша департаментімен бірлесіп жедел-іздестіру шаралары барысында Петропавл қаласында 7 пәтерді тексерді. Онда Орталық Азия мемлекеттерінің бірінен келген 5 жастан 15 жасқа дейінгі балалар анықталды. Балалардың ҚР аумағында заңды жүріп-тұруына рұқсат беретін құжаттары болмады", - делінген хабарламада.Үй-жай беру жолымен заңсыз көші-қонды ұйымдастыру, сондай-ақ шетелдіктерге ҚР аумағына заңсыз кіру, шығу, ел аумағында жүріп-тұру үшін өзге де қызметтер көрсету белгілері болуына байланысты аталған факті 19 сәуірде ҚК 394-бабының 2-бөлігі бойынша тіркеліп, соталды тергеу басталды. Жедел тергеу тобы құрылды. Анықталған тұлғалардан, оның ішінде кәмелетке толмағандардан да жауап алынып жатыр. Қажетті сараптамалар тағайындалды.
