50246
Александр Бублик Марсель турнирінің ширек финалына шықты
Александр Бублик Марсель турнирінің ширек финалына шықты
![Александр Бублик Марсель турнирінің ширек финалына шықты](https://turkystan.kz/cache/imagine/1200/uploads/resized-images/2023/02/6180ab22688a5916518554.jpg)
Қазақстанның бірінші, әлемнің 50-ракеткасы Александр Бублик Марсель (Франция) ATP 250 турнирінің ширек финалына шықты деп хабарлады turkystan.kz.
Қазақстандық теннисші екінші айналымда әлемнің 58-ракеткасы, франциялық Грегуар Баррермен кездесті. Жуырда Монпелье жарысында А.Бублик дәл осы Г.Баррерден тартысты матчта 4:6, 7:6 (14:12), 6:7 (3:7) есебімен ұтылып қалған еді.
Бұл жолы қазақстандық спортшы 6:4, 6:2 есебімен есе қайырды. Бір сағаттан астам уақытқа созылған бәсеке барысында А.Бублик 7 эйспен бірге 4 брейк-пойнттың үшеуін өз есебіне жазды. Александр Бублик жартылай финалға шығу үшін әлемнің 25-ракеткасы, болгариялық Григор Димитров немесе рейтингте 116-орында тұрған нидерландтық Гийс Брувердің біреуімен таласады.