50657
Жанқош Тұраров әлем чемпионы титулы үшін жекпе-жек өткізеді
Жанқош Тұраров әлем чемпионы титулы үшін жекпе-жек өткізеді
![Жанқош Тұраров әлем чемпионы титулы үшін жекпе-жек өткізеді](https://turkystan.kz/cache/imagine/1200/uploads/resized-images/2023/02/photo_56637.jpg)
Қазақстандық боксшы Жанқош Тұраров (26-0, 19КО) IBO-ның бірінші жартылай орта салмақтағы әлем чемпионы атағы үшін жекпе-жек өткізеді деп хабарлады turkystan.kz Instаgrаm-дағы kazproboxing парақшасына сілтеме жасап.
Ж.Тұраров аталған титулдың қазіргі иегері, мексикалық Алехандро Менесеспен (16-5, 9КО) кездеседі. Олардың жекпе-жегі 21 наурызда Алматыда өтетін бокс кешінің басты оқиғасы болады. Бастапқыда бұл айқас 18 наурызға белгіленген еді.
Айта кетейік, Жанқош Тұраров Алматыда өткен бұған дейінгі жекпе-жегінде венесуэлалық Луис Энрике Ромероны (11-6-1, 7КО) жетінші раундта нокаутқа түсіріп, бірінші жартылай орта дивизиондағы IBO Inter-Continental чемпионының вакантты титулын жеңіп алды.
Алехандро Менесес болса, бүгінге дейінгі соңғы кездесуінде апсет жасаған еді – Ливерпульде (Англия) жергілікті фаворит Сэм Максвеллді (16-1, 11КО) нокаутқа түсірді. С.Максвелл кәсіпқой бокс мансабында алғаш рет жеңілді.
Посмотреть эту публикацию в Instagram