50280
Қарияны өрттен құтқарған әскери қызметші марапатталды
Қарияны өрттен құтқарған әскери қызметші марапатталды
Талдықорған қаласында өртке оранған пәтерге ойланбастан кіріп, қарияны аман алып шыққан Ерік Қасымбеков «Өртте көрсеткен қайсарлығы үшін» медалімен марапатталды. Бұл туралы Қорғаныс министрлігінің баспасөз қызметі мәлімдеді.
Десанттық-шабуылдау әскерлеріне қарасты 18404 әскери бөлімінің сержанты Ерік Қасымбеков Төтенше жағдайлар министрлігінің «Өртте көрсеткен қайсарлығы үшін» медалімен марапатталды.
Оқиға 18 қаңтарда болған. Талдықорған қаласы Красин көшесіндегі бес қабатты үйде электр сымдарының тұйықталуынан өрт шықты. Сол күні жөндеу ротасы бөлімшесінің командирі Ерік Қасымбековке нарядта қызмет атқарғаны үшін демалыс берілген болатын. Кіреберістегі айқайды естіген ол тез арада пәтерінен жүгіріп шығады. Әскери қызметші көршілерінен қарт кісі тұратын пәтердің жанып жатқанын естиді. Ерік Қасымбеков еш ойланбастан пәтерге кіріп, қарт кісіні қауіпсіз жерге алып шығады.
Әскери қызметшінің бұл батыл әрекеті назардан тыс қалмады. Жетісу облысы Төтенше жағдайлар департаменті бастығының орынбасары, азаматтық қорғаныс подполковнигі Игорь Жуков Ерік Қасымбековке салтанатты жағдайда марапат табыстады.
Әскери қызметшінің бұл батыл әрекеті назардан тыс қалмады. Жетісу облысы Төтенше жағдайлар департаменті бастығының орынбасары, азаматтық қорғаныс подполковнигі Игорь Жуков Ерік Қасымбековке салтанатты жағдайда марапат табыстады.
«Қарулы күштер әскери қызметшісінің батыл қимылы адам өмірін сақтап қалды. Ол отқа оранған пәтерден 84 жастағы әйелді алып шықты. Оның жанқиярлық әрекеті ескерілмей қалған жоқ. Төтенше жағдайлар министрінің бұйрығымен Ерік Қасымбеков ведомстволық медальмен марапатталды», - деді облыстық департамент өкілі.
