Қазақстандық теннисші Францияда негізгі жарысқа жолдама алды

Қазақстандық теннисші Францияда негізгі жарысқа жолдама алды Қазақстандық Денис Евсеев Шербур (Франция) челленджер жарысының іріктеу сайыстарынан сәтті өтті деп хабарлады turkystan.kz. Әлемнің 307-ракеткасы Д.Евсеев іріктеу сайысында алдымен франциялық Константин Биттунды 6:3, 7:6 (7:4) есебімен ұтты. Іріктеу сайыстарының финалында Д.Евсеев тағы бір қазақстандық, рейтингте 312-орында тұрған Бейбіт Жұқаевпен шеберлік байқасты. Аса тартысты өткен матчта Д.Евсеев 6:7 (4:7), 7:6 (8:6), 6:4 есебімен жеңіске жетті. Екі сағат жарымнан астам уақытқа созылған бәсеке барысында Бейбіт 12 эйс жасап, 5 брейк-пойнттың біреуін ғана пайдаланды. Денис 4 эйс, 2 брейкпен (11 брейк-пойнт) көзге түсті. Осылайша, отандасын жолдан тайдырған Д.Евсеев жүлде қоры 73 мың АҚШ долларына бағаланған жарысқа жолдама алды. Оның алғашқы айналымдағы қарсыласы кейін анықталады.