Жеңіс Қасымбек қарағандылықтарға алғыс айтты

Қарағанды облысының бұрынғы әкімі өңір тұрғындарына арнап жазба жариялады деп хабарлады turkystan.kz. «Бүгін мен Қарағанды облысының әкімі лауазымындағы өз жұмысымды аяқтадым. Бұл үш жыл мен үшін үлкен өмір мектебі болды. Бірінші кезекте мен азаматтардың, кеншілердің, металлургтердің, жастардың және ауыл тұрғындарының мүддесі үшін жұмыс істеуге тырыстым. Алдымызға қойылған міндеттерді шешуде мен әрқашан сіздердің қолдауларыңызды сезіндім, сондай-ақ ескертулеріңіз бен ұсыныстарыңызды тыңдадым. Маған танытқан сенімдеріңіз үшін барлығыңызға шынайы алғыс айтамын. Біздің өңірге амандық пен одан әрі өркендеу тілеймін!» деп жазды Жеңіс Қасымбек фейсбктегі парақшасында.