50211
Қасым-Жомарт Тоқаев Риши Сунакты құттықтады
Қасым-Жомарт Тоқаев Риши Сунакты құттықтады
Мемлекет басшысы Қазақстан халқының және жеке өзінің атынан Риши Сунакты Ұлыбритания және Солтүстік Ирландия Біріккен Корольдігінің Премьер-министрі қызметіне тағайындалуымен құттықтады деп хабарлады turkystan.kz Президенттің баспасөз қызметіне сілтеме жасап.
Қасым-Жомарт Тоқаев Риши Сунактың көшбасшылық қасиеті мен өзгерістер бағдарламасы Ұлыбританияны қуатты әрі тұрақты етуде шешуші рөл атқаратынына сенім білдірді.
«Қазақстан Ұлыбританиямен арадағы берік достық, өзара құрмет пен сенімге негізделген ұзақ мерзімді стратегиялық серіктестікті жоғары бағалайды. Біздің ынтымақтастығымыз саяси және экономикалық қарым-қатынастарды нығайтуға септігін тигізіп, достас мемлекеттеріміздің игілігі жолында одан әрі дамуға жаңа мүмкіндіктер ашады деп сенемін», - делінген Президент жолдаған жеделхатта.
