__Bastı slayderJañalıqtarQoğam

Şımkentte 900 pəterdi qwraytın 30 köpqabattı üy berile bastaldı

2015 jılı Şımkent qalası «Asar» şağın audanında 5 qabattı 30 twrğın üydiñ qwrılısı bastalğan bolatın. 900 päterdi qwraytın jaña twrğın üy alabınıñ qwrılısına 7 milliard 652 million teñge jwmsaldı. Büginde twrğın üylerdiñ qwrılısı tolıq ayaqtalıp, twrğındardı qonıstandıru isi bastaldı. Jaña jıldıñ aldında oblıs äkimi Janseyit Tüymebaev quanışqa kenelgen eñ alğaşqı 42 otbasığa päter kiltin saltanattı türde tabıstadı.

 «Twñğış Prezidentimizdiñ köşbasşılığımen Qazaqstan jaña twrğın üy qwrılısı bağdarlamasın iske asırıp jatqan sanaulı memleketterdiñ biri. Şımkent qalasında «Öñirlerdi damıtu – 2020» jäne «Nwrlı jol» memlekettik bağdarlamalarınıñ ayasında 2015-2016 jıldarı 82 köpqabattı twrğın üy paydalanuğa berildi. 5636 otbası jaña baspanalarda qonıs toyların toyladı», – dedi oblıs basşısı.

Aymaq basşısı biıl oblısımızda 80 mıñğa juıq säbi ömirge kelgenine toqtalıp, twrğın üy salu jwmısı aldağı jılı da qarqın alatının jetkizdi. Sonday-aq jaña pəter ielerin aulalardı kögaldandıru men tal egu jwmıstarına belsendi türde qatısuğa şaqırdı.

Ayta keteyik,  «Asardağı»  5 qabattı 30 twrğın üydiñ qwrılısın  «Korporaciya AQ ordası» JŞS-gi jürgizgen. Jaña päterler twrğındarğa jalğa alu  qwqığımen wzaq jılğa berilip otır.  Mwndağı baspanalardıñ bir bölmelisi – 42, eki bölmelisi  54,  üş bölmelisi 74 şarşı metrli  900 päterdi  qwraydı.

Ayta keteyik, «Asar» şağınaudanınan paydalanuğa beriletin 900 päterge jalğa beru jüyesi boyınşa «E-gov» portalı arqılı  4076 ötiniş qabıldanğan.

                                                               

Back to top button