JañalıqtarQoğam

«Qazinvestbank» jabıldı

Qazaqstanda tağı bir bank öz qızmetin toqtattı. «Qazinvestbank» akcionerlik qoğamı licenziyasınan ayırıldı. Bwl turalı bügin Wlttıq Banktiñ baspasöz qızmeti mälimdeme tarattı. Ekinşi deñgeyli bank qarjı operaciyaları jäne bağalı qağazdar narığında özge de qızmetter jürgizuden şettetildi dep habarlaydı astanatv.

Wlttıq Bank aldağı künderi zañnamada belgilengen tärtippen atalğan banktiñ qızmetin mäjbürlep toqtatu nemese taratu turalı sotqa ötiniş joldamaq. Qazaqstan Respublikası Wlttıq Banki Basqarmasınıñ 2016 jılğı 26 jeltoqsandağı № 291 qaulısına säykes «Qazinvestbank» AQ «Qazaqstan Respublikasındağı bankter jäne bank qızmeti turalı» Qazaqstan Respublikası Zañınıñ 48-babı 1-tarmağınıñ «v» tarmaqşasında közdelgen negizder boyınşa, tölem jäne audarım operaciyaları boyınşa şarttıq mindettemelerdi ünemi (qatarınan küntizbelik on eki ay işinde üş jäne odan köp ret) tiisinşe orındamağanı üşin 2008 jılğı 21 naurızdağı № 221 licenziyadan 2016 jılğı 27 jeltoqsannan bastap ayıru turalı şeşim qabıldandı.

» Salımşılardan da maza ketken. Qarjısına alañdağan twtınuşılar bügin de bankke kelip jattı. Menedjerler aqparattan beyhabar. Keşe sayttan qarap otırıñızdar, sonda barlıq mälimet bar dep qaytarğan. Bügin amalsızdan alañdap, tağı da keldim. Bäribir sol jauaptı aldım. Özimiz bilmeymiz, erteñ keliñiz dep şığarıp saldı. Bwl ötken jwmadan beri jalğasıp keledi. Al jeke twlğalar banktegi salımdarına alañdamauına boladı. Sebebi qarjı insitutı depozitke mindetti kepildik beru jüyesiniñ qatısuşısı. Bügin qor ökilderi «Qazinvestbank» klientterine qarajattı qaytaru tärtibin tüsindirdi. Bankti mäjbürlep taratu turalı sot şeşimi şıqqan jağdayda, 14 künnen soñ salımşılar aqşasın qaytara bastaydı. Onı ekinşi deñgeyli bankterdiñ biri jürgizbek. Bwl kepildiktiñ eñ joğarı mölşeri wlttıq valyutadağı depozitter boyınşa – 10 million teñge, al şetel valyutasındağı depozitter boyınşa – 5 million teñge.

Kuanışbek Äbjanov, Qazaqstan depozitterge kepildik beru qorı törağasınıñ orınbasarı:

-Depozitterge kepildik beru qorı bank-agent arqılı jwmıs isteytin boladı. Salımşı atalğan banktiñ jaqın jerdegi bölimşesine kelip, ötiniş jazadı. Arız tüsken soñ bes jwmıs küni işinde kepildendirilgen ötemaqı tölenedi. Ötemaqı tek salımşınıñ negizgi sommasına ğana beriledi. Barlıq swraqtar boyınşa «jedel jeli» telefonına jäne Wlttıq Bankke habarlasıp, ötiniş jasauğa boladı.

Back to top button