تاراز قالاسىنىڭ اكىمى قىزمەتىنەن كەتكەنىن مالىمدەدى

تاراز قالاسىنىڭ اكىمى ەرجان جىلقىباەۆ قىزمەتىنەن كەتتى. بۇل تۋرالى ول ءىnstagram-داعى رەسمي پاراقشاسىندا جازدى دەپ حابارلادى turkystan.kz.

«قۇرمەتتى تارازدىقتار، قادىرلى جەرلەستەر! سەنىم ارتىلعان سوڭ، ەلىمىزدىڭ كەز كەلگەن وڭىرىندە مەملەكەتتىك ساياساتتى ىسكە اسىرۋ – ءاربىر مەملەكەتتىك قىزمەتشىنىڭ مىندەتى. الايدا، سول مىندەتتىڭ باستالاتىنى سياقتى، اياقتالاتىن دا كەزەڭى بولادى. ول – زاڭدىلىق. سوندىقتان مەن ءوزىمنىڭ جامبىل جەرىندەگى قىزمەتىمدى توقتاتىپ، تاعى ءبىر ءومىر بەلەسىنە ءوتتىم» دەپ جازدى ەرجان جىلقىباەۆ.

سونىمەن قاتار ول يگى ىستەر مەن ءاربىر جوبانىڭ ءساتتى ىسكە اسۋىندا جامبىلدىقتاردىڭ قولداۋى مەن ارىپتەستەرىنىڭ ەڭبەگى زور ەكەنىن ايتتى.

ەرجان جىلقىباەۆ تاراز قالاسىنىڭ اكىمى بولىپ 2021 جىلدىڭ ناۋرىز ايىندا تاعايىندالعان.

 

 

Back to top button