اكىمدىكتەر ءار ءوڭىردىڭ كارتاسىن جاساۋى ءتيىس – ايدوس سارىم

ەلىمىزدە كەيىنگى 6 ايدا پايدالانىلماي، بوس جاتقان نەمەسە زاڭنامانى بۇزا وتىرىپ بەرىلگەن 904 مىڭ گەكتار جەر مەملەكەتكە قايتارىلدى. 2021 جىلعى كورسەتكىش 430 مىڭ گەكتار بولاتىن. دەمەك، بيىلعى كورسەتكىش بىلتىرعىدان ەكى ەسە كوپ. اۋىل شارۋاشىلىعى مينيسترلىگى جىل سوڭىنا دەيىن 5 ملن گەكتار جەردى مەملەكەتكە قايتارماق. مۇنىڭ ءبارى اگرارلىق سالاعا پايدالانۋ ءۇشىن بەرىلەدىمەملەكەت باسشىسىنىڭ تاپسىرماسىمەن جەردى قايتارۋ جونىندەگى جۇمىس كوميسسياسى قۇرىلعانى بەلگىلى. وسى ورايدا،  ءماجىلىس دەپۋتاتى، ساياساتكەر ايدوس سارىم اتالعان باعىتتاعى جۇمىس قارقىندى ءجۇرىپ جاتقانىن ايتتى دەپ حابارلادى turkystan.kz

– پايدالانىلماي، بوس جاتقان جەرلەردى مەملەكەتكە قايتارۋ وڭاي شارۋا ەمەس. وسى باعىتتا قانداي ورگاندار بىرلەسىپ جۇمىس اتقارىپ جاتىر؟

– جەردى مەملەكەتكە قايتارۋ ءىسىن جەردى باسقارۋ ورگاندارى، اۋىل شارۋاشىلىعى مينيسترلىگى جانىنداعى جەر كوميتەتى اتقارادى، قۇزىرەتى بار. جىلدىڭ اياعىنا دەيىن 5 ملن گەكتار جەردى مەملەكەتكە قايتارۋ تۋرالى تاپسىرما بەرىلگەنىن بىلەسىزدەر. قازىر جاڭا زاڭنامانى ىسكە اسىرۋعا پروكۋراتۋرا، جەرگىلىكتى اكىمدىكتەر، AMANAT پارتياسى جانە قوعام بەلسەندىلەرى اتسالىسىپ جاتىر.

– جەردى زاڭسىز ساتقان، يگەرمەگەن جاعداي اۋىلدا عانا ەمەس، قالادا دا كەزدەسەدى. يەلىگىندەگى جەردى ۇزاق ۋاقىت بويى مۇلدە پايدالانباعاندار دا بار. وسى ورايدا، جەردى قايتارۋ ىسىندەگى قانداي قيىندىقتاردى ايتار ەدىڭىز؟  

– وسى كەزگە دەيىن قالىپتاسقان جاعداي دەۋگە بولاتىن شىعار، ايماقتىق، وبلىستىق جەردە وزىندىك ءبىر مونوپوليا بار. كەزىندە جەردى يەلەنىپ العان، باسقاراتىن ازاماتتار بار. ولار بيلىكتە دە وتىرۋى مۇمكىن. سولار وسى زاڭناماعا قارسى. بيلىكتە ايماقپەن ناقتى ءبىر بايلانىس بار ەكەنى بەلگىلى.  وسىعان دەيدىن جەردى بولۋمەن اۋداندىق اكىمدىكتەر اينالىستى. كەزىندە جەردى بولگەن اكىمدەردىڭ ءبىرازى قازىر دە وتىر. بالكىم، وسىنىڭ سەبەبىنەن بولار، اۋىل اكىمدەرى زاڭنامانى ءتيىستى دارەجەدە ورىنداۋعا ق ۇلىقتى ەمەس. جەرگىلىكتى قارجىلىق توپتارمەن، كاسىپكەرمەن بايلانىسىن بۇزعىسى كەلمەيدى. بۇل دا ءبىر ماسەلە.

تاعى ءبىر ماسەلە، كەيبىر ازاماتتار «بولاشاقتا پايدا كورەمىن» دەپ جەر العان. قولىندا قۇجاتتارى تۇر. بىراق ەشقانداي جۇمىس ءجۇرىپ جاتقان جوق. باستى ماسەلە وسىدا. قازىر بايقاساڭىز، سالىق قۇنى 20 ەسەگە دەيىن كوتەرىلدى. دەمەك، جەردى پايدالانباي، ۇستاپ وتىرۋ قالتالى ازاماتتاردىڭ وزىنە ءتيىمسىز بولىپ تۇر. ويتكەنى جوق جەردەن اقشا تولەۋگە ءماجبۇر. جەرگىلىكتى حالىق تا وسى ماسەلەگە بەلسەندى اتسالىسۋى كەرەك. ياعني، اكىمدەرگە، اۋىل شارۋاشىلىعى مينيسترلىگىنىڭ جەر ينسپەكتورلارىنا كومەكتەسۋى قاجەت. اينالىپ كەلگەندە، بولاشاقتا جەردىڭ مولشەرلەمەسىن اۋىل حالقى بەكىتەتىن بولادى. جەردەن تۇسەتىن پايدا كوبى سول جەردىڭ يگىلىگىنە جۇمسالادى. وسىنى ەسكەرەتىن بولساق، قوعام وزگەرۋى كەرەك. كونستيتۋتسيالىق وزگەرىستەردەن كەيىن جەردىڭ يەسى ءوزى ەكەنىن ءتۇسىنۋى كەرەك. جەر وزىمىزدىكى. سالىعىمىز سودان كەلىپ جاتىر. پايدالانىلماي، ارام ءشوپ باسىپ جاتقان جەرلەر بار. جەردى ءتيىمدى پايدالانۋىمىز كەرەك. وسىنى ەسكەرىپ، قوعامدا ءتۇسىندىرۋ جۇمىستارىن جۇرگىزۋ كەرەك دەپ ويلايمىن. AMANAT پارتياسىنىڭ جانىنان قۇرىلعان «جەر اماناتى» كوميسسياسى الداعى ۋاقىتتا ۇلكەن ءبىر قوزعالىسقا اينالۋى قاجەت. حالىقتىڭ ءوزى قولدايتىن، باسى-قاسىندا جۇرەتىن. سوندا عانا جەر ماسەلەسىن جۋىق ارادا ءىستى ناسىرعا شاپتىرماي شەشە الامىز.

جەردى يگىلىگىنە پايدالانىپ وتىرعاندارعا قانداي تالاپ قويىلادى؟

– جەردى ءتيىمدى پايدالانىپ جاتقاندارعا ەشقانداي شەكتەۋ قويىلىپ جاتقان جوق. قازىرگى ءتارتىپ بويىنشا ولارعا پايدالانۋعا باسقا جەردى بەرۋگە بولادى. اۋىلدىق جەرلەردىڭ كوبى كەزىندە جەكەشەلەنىپ كەتكەن. جالعا بەرىلگەن. ءار اۋىلدىڭ اۋماعى ءارتۇرلى. حالىقتىڭ سانىنا، قولىنداعى مالىنا قاراي اكىمدىكتەر ءار ءوڭىردىڭ كارتاسىن جاساۋى ءتيىس. ول جەرلەردى قوعامنىڭ يگىلىگىنە پايدالانۋىمىز كەرەك. اۋىل حالقى مالىن جاياتىن جەر ەسەپتەلۋى قاجەت. قازىر وسى ماسەلە قولعا الىنىپ جاتىر.

اڭگىمەڭىزگە راقمەت!

 

ۇقساس جاڭالىقتار

Back to top button