ديزەل مەن الكوگولدى زاڭسىز ساتقان ەكى ادام ۇستالدى (ۆيدەو)

اتىراۋدا اكتسيزدەلەتىن ونىمدەردىڭ زاڭسىز ساۋداسىنىڭ جولى كەسىلدى دەپ حابارلادى turkystan.kz مەملەكەتتىك كىرىستەر كوميتەتىنە سىلتەمە جاساپ.

اتىراۋ وبلىسىنىڭ جىلىوي اۋدانى بويىنشا مەملەكەتتىك كىرىستەر باسقارماسى 2022 جىلدىڭ ماۋسىم ايىندا اكتسيزدەلەتىن ونىمدەردىڭ زاڭسىز اينالىمىن انىقتاۋ جانە جولىن كەسۋ بويىنشا ءىس-شارالار جۇرگىزىپ، ناتيجەسىندە 2 جەكە تۇلعانىڭ 1 300 ليتر الكوگول ونىمدەرىن جانە 2 500 ليتر ديزەل وتىنىن زاڭسىز جولمەن ساتقانىن انىقتادى.

«ءىس ماتەريالدارى جىلىوي اۋداندىق سوتىنا جولداندى. جالپى، 2022 جىلدىڭ ءبىرىنشى جارتىجىلدىعىندا اتىراۋ وبلىسىندا 139 مىڭ ليتر ديزەل وتىنىنىڭ، 338 مىڭ ليتر جانارمايدىڭ، 4 مىڭ ليتر الكوگول ونىمدەرىنىڭ جانە 260 قوراپ تەمەكى ونىمدەرىنىڭ زاڭسىز ساۋداسىنىڭ جولى كەسىلدى»  دەپ جازدى ۆەدومستۆودان.

كولەڭكەلى ەكونوميكانىڭ الدىن الۋ ماقساتىندا اكتسيزدەلەتىن ونىمدەردىڭ زاڭسىز اينالىمىن انىقتاۋ جانە جولىن كەسۋ بويىنشا ءىس-شارالار الداعى ۋاقىتتا دا جالعاسىن تاپپاق.

ۇقساس جاڭالىقتار

Back to top button