الماتىدا «سويلەيتىن» درون ۇشىپ ءجۇر

الماتى توتەنشە جاعدايلار دەپارتامەنتى سايران كولىنىڭ ۇستىنەن درون ۇشىردى. ەندى دەمالۋشىلارعا سۋعا ءتۇسۋ ەرەجەسىن ۇشىپ جۇرگەن درون ايتىپ، كورسەتىپ بەرە الادى دەپ حابارلادى turkystan.kz.

ۆەدومستۆوداعىلار اپتاپ ىستىق باستالعالى كول ماڭىندا شومىلۋشىلار كوبەيگەنىن ايتتى. رەيد جۇرگىزگەندە سۋ ايدىندارىندا الكوگول ءىشىپ جۇرەتىندەر ءجيى تىركەلگەن.

«سۋعا ءتۇسۋ ماۋسىمى باستالعالى سايران كولىندە 8 ادام قۇتقارىلدى. ونىڭ ەكەۋى – بالا. سونداي-اق ماۋسىم ايىنان بەرى بەلگىلەنبەگەن جەرلەردە شومىلعانى ءۇشىن جانە سۋ ايدىندارىنىڭ ماڭىندا الكوگول ىشكەنى ءۇشىن 26 ءتارتىپ بۇزۋشىعا جالپى سوماسى 100 مىڭ تەڭگەدەن استام ايىپپۇل سالىندى»، – دەپ مالىمدەدى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى.

الماتىلىق قۇتقارۋشىلار كوپفۋنكتسيالى دروننىڭ كومەگىمەن قاشىقتان ادامداردىڭ ارەكەتىن نەمەسە باسقا دا جاعدايلاردى كورە الاتىنى بۇعان دەيىن حابارلانعان ەدى. ارنايى درون ءورتتىڭ شىعۋ ورنىن، سونىمەن قاتار ءتارتىپ بۇزۋشىلاردى انىقتاۋعا مۇمكىندىك بەرەدى.

«درون تاۋلى ايماقتا دەمالۋشىلار كوپ بولاتىن دەمالىس كۇندەرى ۇشادى. ۇشۋ قاشىقتىعى – جەتى شاقىرىم»، – دەيدى توتەنشە جاعدايلار دەپارتامەنتى باستىعىنىڭ ورىنباسارى سامات اسايىنوۆ.

ۇقساس جاڭالىقتار

Back to top button