استانادا LRT قۇرىلىسى جالعاسادى – التاي كولگىنوۆ

LRT قۇرىلىسى جالعاسادى. بۇل تۋرالى Baigenews تىكەلەي ەفيرىندە نۇر-سۇلتان قالاسىنىڭ اكىمى التاي كولگىنوۆ ءمالىم ەتتى دەپ حابارلادى turkystan.kz

كولگىنوۆتىڭ ايتۋىنشا، جوبانىڭ شىعىنىن ازايتۋ ءۇشىن ستانسالار مەن جىلجىمالى قۇرامنىڭ سانىن قىسقارتۋعا تۋرا كەلگەن.

«ءبىز وڭتايلاندىرۋدى كوزدەپ وتىرمىز. ەگەر باستاپقى جوبادا 18 ستانسا قاراستىرىلعان بولسا، ءبىز ازىرگە تەك سەگىز ستانسانى ۇسىنامىز. ول اۋەجايدان باستاپ قابانباي باتىر داڭعىلىنا دەيىنگى ارالىقتى قامتيدى. سەبەبى بۇل ارالىق وتە تىعىز ورانالاسقان. سونداي-اق جىلجىمالى قۇرام دا قىسقاردى، جوبادا 19 جىلجىمالى پويىز قاراستىرىلعان، ءبىز  ونىڭ بەسەۋىن قالدىرىپ وتىرمىز. جوبا بويىنشا ءتورت ۆاگون قاراستىرىلعان، ءار ۆاگونعا 150 جولاۋشى سىيادى، ءبارىن قوسقاندا 600 جولاۋشى تاسىمالداي الادى»، – دەدى كولگىنوۆ.

اكىم جوبانىڭ بيۋدجەتىن ەكى ەسە قىسقارتۋعا كومەكتەسكەنىن ايتتى.

«قازىر بىزگە جوبانى اياقتاۋ ءۇشىن 577 ميلليون اقش دوللارىن  كەرەك، بۇل باستاپقىدان ەكى ەسە دەرلىك از قارجى»، – دەدى اكىم.

ۇقساس جاڭالىقتار

Back to top button