Ұлытау облысы әкімінің екі орынбасары тағайындалды

Бүгін Ұлытау облысы әкімінің орынбасарлары, аппарат басшысы, басқарма басшыларының міндетін атқарушылар таныстырылды деп хабарлады turkystan.kz.   

 «Бұған дейін де айтқанымыздай, біздегі басқармалар саны шағын құрамда болады. Бас-аяғы 18 басқарма құрылып, 251 штат саны бекітілді. Кейбір басқармалар біріктірілді. Енді бірі жеке өз алдына басқарма болып бекітілді», – деді облыс басшысы.

ҚР Президенті Әкімшілігінің келісімімен, облыс әкімінің өкімімен Ұлытау облысы әкімінің орынбасары болып Аман Барикенов тағайындалды. Ол қаржы, экономика мәселелерін үйлестіретін болады. Облыс әкімінің тұрғын үй-коммуналдық шаруашылық, құрылыс, сәулет, энергетика, жолаушылар көлігі, автомобиль жолдары мәселелері жөніндегі орынбасары болып Ұлантай Үсенов тағайындалды. Келесі басқармалар басшыларының міндетін атқарушылар тағайындалды: Ұлытау облысының Қоғамдық даму басқармасы – Мереке Мырзабекова; Ұлытау облысының Дене шынықтыру және спорт басқармасы – Саят Балмағанбетов; Ұлытау облысының Мәдениет, тілдерді дамыту, мұрағат ісі басқармасы – Әнуар Омар; Ұлытау облысының Білім басқармасы – Сапура Төлекова ; Ұлытау облысының Денсаулық сақтау басқармасы – Ләззат Ранова; Ұлытау облысының Жұмыспен қамтуды үйлестіру және әлеуметтік бағдарламалар басқармасы – Зина Ақылбекова; Ұлытау облысының Жолаушылар көлігі және автомобиль жолдары басқармасы – Жомарт Бегаев; Ұлытау облысының Кәсіпкерлік және өнеркәсіп басқармасы – Ғазиз Төлеуов; Ұлытау облысының Табиғи ресурстар және табиғатты пайдалануды реттеу басқармасы – Қуат Имантүспов; Ұлытау облысының Экономика басқармасы – Ерлан Мырзабеков; Ұлытау облысының Қаржы басқармасы – Виктория Ставицкая; Ұлытау облысының Мемлекеттік сатып алу басқармасы – Алмат Әйтенов; Ұлытау облысының Энергетика және тұрғын үй-коммуналдық шаруашылық басқармасы – Алмас Жандарбеков; Ұлытау облысының Еңбек инспекциясы жөніндегі басқармасы – Кеңгірбай Смағұлов; Ұлытау облысының мемлекеттік Сәулет-құрылыс бақылау басқармасы – Талғат Әлменов; Ұлытау облысының Ветеринария басқармасы – Әбусағит Әбдікер.

Серіктес жаңалықтары