جامبىل وبلىسىندا توتەنشە جاعداي جاريالاندى

جامبىل وبلىسى قورداي اۋدانىنداعى سەل باسقان اۋىلداردا توتەنشە جاعداي جاريالاندى دەپ حابارلادى turkystan.kz.   

ارنايى قۇرىلعان كوميسسيا اپات شىعىنىن ەسەپتەدى. كوميسسيا ەسەبىنشە، 169 قوي-ەشكى، بىرنەشە جىلقى، سيىر جانە 400-گە جۋىق تاۋىق جوعالعان. اۋىز سۋ جۇيەسى، ەلەكتر جەلىلەرى ىستەن شىققان.

شىعىننىڭ جالپى سوماسى 135 ميلليون تەڭگەدەن اسقان. مەملەكەت اپاتتان ءۇي-جايى، مال-مۇلكىنە زاقىم كەلگەن تۇرعىندارعا وتەماقى تولەيدى.

ەسكە سالساق، 23 ماۋسىمدا جامبىل وبلىسىنىڭ قورداي اۋدانىندا نوسەر مەن بۇرشاق جاۋىپ، سالدارىنان سەل جۇرگەن.