استانادا ءبىر ۋاقىتتا 500-دەن استام ادام يوگامەن اينالىستى

قازاقستان قالالارىندا ءبىر ۋاقىتتا ءVIIى حالىقارالىق يوگا كۇنىنىڭ (IDY 2022) اشىلۋى ءوتتى دەپ حابارلادى turkystan.kz قالا اكىمدىگىنە سايتىنا سىلتەمە جاساپ.

ءۇندىستاننىڭ قازاقستانداعى ەلشىلىگىنىڭ جانىنداعى سۆامي ۆيۆەكاناندا مادەني ورتالىعى مادەنيەت جانە سپورت مينيسترلىگى، دەنساۋلىق ساقتاۋ مينيسترلىگىنىڭ قولداۋىمەن ەلوردادا يوگا كۇنىنىڭ اشىلۋ سالتاناتىن وتكىزدى.

ءۇندىستاننىڭ قازاقستانداعى توتەنشە جانە وكىلەتتى ەلشىسى شۋبحدارشيني تريپاتي IDY 2022 «ادامزات ءۇشىن يوگا» تاقىرىبىن سيپاتتاي وتىرىپ، پاندەميا كەزىندە يوگا ماڭىزدى ءرول اتقارعانىن اتاپ ءوتتى. سونداي-اق، ديپلومات 8-ءشى حالىقارالىق يوگا كۇنىمەن قۇتتىقتادى.

دەنساۋلىق ساقتاۋ ءمينيسترى عينيات اجار ءۇندىستاننىڭ مەملەكەتتىك سىرتقى ىستەر جانە مادەنيەت ءمينيسترى ميناكشي لەكحيمەن دەنساۋلىق ساقتاۋ سالاسىنداعى ىنتىماقتاستىق مۇمكىندىكتەرى تۋرالى پايدالى قارىم-قاتىناسىن اتاپ ءوتتى. مينيستر دەنساۋلىق ساقتاۋ سالاسىنىڭ ماماندارى يوگا مەن باسقا دا ءداستۇرلى تاجىريبەنىڭ قۇندىلىعىن كورەتىنىن ايتتى.

اجار عينيات

«يوگانىڭ ماڭىزدىلىعى دەنساۋلىقتى فيزيكالىق جانە پسيحيكالىق دەڭگەيدە ۇستاپ تۇرۋعا جانە نىعايتۋعا باعىتتالعان»، – دەدى اجار عينيات.

تاڭعى ساعات 7:30-دا قازاقستاندىق شەنەۋنىكتەر ەلوردالىق 500-دەن اسا تۇرعىنمەن يوگا جاتتىعۋىن جاسادى.

ءۇندىستان ەلشىلىگىنىڭ مالىمەتىنشە، بيىل ەلىمىزدىڭ 21 قالاسىنان يوگا كۇنىنە 4-5 مىڭ ادام قاتىسقان. سونداي-اق ءۇندىستان ۇكىمەتىنىڭ «Guardian Yoga Ring» («يوگا ساقشىسى» ساقيناسى) باستاماسى بويىنشا نۇر-سۇلتاندا IDY 2022 مەرەكەسى ءۇندىستاننىڭ Doordarshan ۇلتتىق تەلەارناسىندا تىكەلەي ەفيردە كورسەتىلدى.

ايتا كەتسەك، جىل سايىن 21 ماۋسىمدا حالىقارالىق يوگا كۇنى اتاپ وتىلەدى.

يوگا

ۇقساس جاڭالىقتار

Back to top button