روزا القوجا «قىرعىز ەلىنىڭ ساحنا جۇلدىزى» مەدالىمەن ماراپاتتالدى

ارنايى ماراپاتتى انشىگە قىرعىزدىڭ «روزا القوجاسى» اتانىپ كەتكەن ءانشى دينارا تىلەكەەۆا تابىستادى دەپ جازادى turkystan.kz.

قىرعىز ەلىنەن امانات ارقالاپ كەلگەن ارنايى قوناقتار الماتىنىڭ تورىندە ءانشى روزا القوجاعا قۇرمەت كورسەتتى.

بۇل ماراپات – الاتاۋدىڭ ەكى بەتىن تەڭ شارلاپ، حالىق ىقىلاسىنا بولەنگەن تالانتتى ءانشىنىڭ شىعارماشىلىعىنا بەرىلگەن باعا.

ال ءسۇيىنشى جاڭالىقتى ەستىگەن جۇرت باۋىرلاس اعايىننىڭ بۇل ىسىنە ءسۇيسىنىپ جاتىر. ولار روزا القوجا قانداي سىي-قۇرمەتكە بولسا دا لايىق دەپ سانايدى.

«كومپازيتور ءىليا جاقانوۆتان كەيىنگى قازاقتىڭ ونەرىنە بەرىلگەن ەكىنشى ماراپات بولدى»، – دەدى وسى كەشكە قاتىسقان اقىن باقىت بەدەلحان ءانشىنى قۇتتىقتاي وتىرىپ.

ءوز كەزەگىندە ءانشى-كومپوزيتور قادىرعالي كوبەنتاي بۇگىندە قازاق قىزىنىڭ اۋەزدى ءانىن قىرعىز انشىلەرى ساحنادا ورىنداپ جۇرگەنىن ەرەكشە اتاپ ءوتتى.

 

ۇقساس جاڭالىقتار

Back to top button