قۇرمانىڭ ىشىنە ەسىرتكى سالىپ وتكىزبەك بولعان كۇدىكتى ۇستالدى

قاراعاندىنىڭ  ۋاقىتشا ۇستاۋ يزولياتورىنداعى 32 جاستاعى كۇدىكتىگە سالەمدەمە اكەلگەن ازامات ۇستالدى دەپ حابارلادى turkystan.kz.

ازىق-ت ۇلىك سالىنعان پاكەتتى تەكسەرۋ كەزىندە قارا ءتۇستى بۋمالار انىقتالىپ، قۇرمانىڭ ىشىنەن ەسىرتكى تابىلعان. ەر ادام الاياقتىق جاسادى دەگەن كۇدىككە ءىلىنىپ وتىر.

سالەمدەمەنى قالانىڭ 28 جاستاعى تۇرعىنى بەرگەن ەكەن.

قاراعاندى وبلىسى قىلمىستىق-اتقارۋ جۇيەسى دەپارتامەنتىنىڭ ايتۋىنشا، مەكەمە اۋماعىنا تىيىم سالىنعان زاتتى وتكىزۋگە قاتىستى قىلمىستىق جاۋاپكەرشىلىككە تارتۋ قاراستىرىلعان.

قازىر اتالعان دەرەك تىركەلىپ، تەرگەۋ ءجۇرىپ جاتىر.

ۇقساس جاڭالىقتار

Back to top button