گرۋزياعا 36 مىڭ دوللار الىپ كەتپەك بولعان ازامات ۇستالدى (ۆيدەو)

 «اۋەجاي-شىمكەنت» كەدەن بەكەتىنىڭ قىزمەتكەرلەرى كەشە شىمكەنت-كۋتايسي حالىقارالىق اۋە رەيسىنە كەدەندىك باقىلاۋ جۇرگىزءدى. ناتيجەسىندە 36 000 اقش دوللارىن (15 905 240 تەڭگە) قۇرايتىن قولما-قول اقشانى زاڭسىز الىپ وتپەك بولعان قازاقستان ازاماتىن انىقتاپ، توقتاتتى دەپ حابارلادى turkystan.kz

بۇل جايىندا مەملەكەتتىك كىرىستەر كوميتەتى مالىمدەدى. ازامات اقبتك-ءنىڭ 545-بابىندا كورسەتىلگەن اكىمشىلىك قۇقىق بۇزۋشىلىق بەلگىلەرى بايقالعان.

«اتالعان فاكتى بويىنشا شىمكەنت قالاسىنىڭ مامانداندىرىلعان اكىمىشىلىك سوتىنا پروتسەسسۋالدىق شەشىم قابىلداۋ ءۇشىن ءىستىڭ ماتەريالدارى جولداندى»، – دەپ حابارلادى ۆەدومستۆو وكىلدەرى.

ەسكە سالساق، مەملەكەت باسشىسىنىڭ 2022 جىلعى 14 ناۋرىزداعى جارلىعىنا سايكەس، ۇلتتىق بانك بەلگىلەگەن باعام بويىنشا ەسەپتەلگەن جانە 10 مىڭ اقش دوللارى بالاماسىنان اساتىن سوماداعى قولما-قول شەتەل ۆاليۋتاسىن نەمەسە شەتەل ۆاليۋتاسىنداعى اقشا قۇرالدارىن اكەتۋگە تىيىم سالعان.

ۇقساس جاڭالىقتار

Back to top button