ەڭبەك جانە حالىقتى الەۋمەتتىك قورعاۋ ۆيتسە-ءمينيسترى تاعايىندالدى

ۇكىمەت قاۋلىسىمەن نازگۇل ەرىكقىزى ساعىندىقوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى مالىمدەدى دەپ حابارلادى turkystan.kz.

نازگۇل ساعىندىقوۆا 1978 جىلى اقمولا وبلىسىندا دۇنيەگە كەلگەن.

س. سەيفۋللين اتىنداعى اقمولا اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن.

ەڭبەك جولىن 2001 جىلى قر ەحاقم الەۋمەتتىك قامسىزداندىرۋ باسقارماسىنىڭ جەتەكشى مامانىنىڭ م.ا. بولىپ باستادى.

2001-2005 جىلدارى — ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمىندا جۇمىس ىستەدى.

2005-2018 جىلدارى — «مەملەكەتتىك اننۋيتەتتىك كومپانيا» ءومىردى ساقتاندىرۋ كومپانياسى» اق باسشىلىق قىزمەتتەرىن اتقاردى.

2018-2020 جىلدارى — پرەزيدەنت اكىمشىلىگىنىڭ ىشكى ساياسات ءبولىمى ينسپەكتورىنىڭ م.ا.، ينسپەكتورى — ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا حاتشىلىعىنىڭ مەڭگەرۋشىسى.

2020 جىلعى قاراشادان باستاپ پرەزيدەنت اكىمشىلىگىنىڭ ىشكى ساياسات ءبولىمى سەكتورىنىڭ مەڭگەرۋشىسى — پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا حاتشىلىعىنىڭ مەڭگەرۋشىسى بولدى.

 

ۇقساس جاڭالىقتار

Back to top button