دەمالىس كۇندەرى اۋا رايى قانداي بولادى؟

«قازگيدرومەت» رمك 11-13 ماۋسىم كۇندەرىنە ارنالعان اۋا رايى بولجامىن جاريالادى دەپ حابارلادى turkystan.kz.

سينوپتيكتەردىڭ حابارلاۋىنشا، سولتۇستىك-باتىس جانە وڭتۇستىك تسيكلوندارىنىڭ بىرىگۋى ارقاسىندا، رەسپۋبليكانىڭ بارلىق اۋماعىندا دەرلىك اۋا رايىنىڭ تۇراقسىز سيپاتى ساقتالادى.

«جاڭبىر جاۋادى، 11-12 ماۋسىمدا رەسپۋبليكانىڭ وڭتۇستىگى مەن وڭتۇستىك-شىعىسىنىڭ تاۋلى ايماقتارىندا نايزاعاي ويناپ، جەل كۇشەيەدى، بۇرشاق جاۋى مۇمكىن. وڭتۇستىك-باتىستا، وڭتۇستىكتە شاڭدى داۋىل كۇتىلەدى.

رەسپۋبليكانىڭ باتىسىندا، سولتۇستىك-باتىسىندا اۋا تەمپەراتۋراسى كۇندىز 22-30-دان 17-26-عا دەيىن تومەندەيدى، وڭتۇستىك-باتىسىندا 25-35-كە دەيىن كوتەرىلەدى، سولتۇستىگىندە 20-28-دەن 25-30-عا دەيىن اۋىتقيدى، شىعىسىندا 28-37-دەن 24-33-كە دەيىن تومەندەيدى، ورتالىعىندا 22-30-دان 27-32-گە دەيىن كوتەرىلەدى، وڭتۇستىگىندە 35 جىلۋ بولجانادى، ال وڭتۇستىك وڭىرلەرىندە 25-35-تەن 20-30-عا دەيىن تومەندەيدى»، دەلىنگەن «قازگيدرومەت» حابارلاماسىندا.

ۇقساس جاڭالىقتار

Back to top button