ۇكىمەت باسشىسى J.P. Morgan جانە TotalEnergies باسشىلارىمەن كەزدەستى

پرەمەر-مينيستر ءاليحان سمايىلوۆ پرەزيدەنت جانىنداعى شەتەلدىك ينۆەستورلار كەڭەسىنىڭ 34-ءشى پلەنارلىق وتىرىسى اياسىندا J.P. Morgan ينۆەستيتسيالىق بانكى مەن TotalEnergies SE فرانتسۋز مۇناي-گاز كومپانياسى وكىلدەرىمەن كەزدەستى دەپ حابارلادى turkystan.kz.

بۇل تۋرالى ۇكىمەتتىڭ ءباسپاسوز قىزمەتى حابارلادى.

ۇكىمەت باسشىسى J.P. Morgan جانە TotalEnergies باسشىلارىمەن كەزدەستى

TotalEnergies SE اعا ۆيتسە-پرەزيدەنتى جۋليەن پۋجەمەن اڭگىمەلەسۋ بارىسىندا كومپانيانىڭ قازاقستانداعى مۇناي-گاز سالاسىنداعى قىزمەتى، جەل ەنەرگەتيكاسىنداعى جوبالاردى ىسكە اسىرۋ جانە ەكونوميكانى دەكاربونيزاتسيالاۋ ماسەلەلەرى تالقىلاندى.

TotalEnergies SE – ەلىمىزدەگى ەڭ ءىرى ينۆەستورلاردىڭ ءبىرى، قاشاعان جانە دوڭعا جوبالارىنا بەلسەندى تۇردە قاتىسىپ كەلەدى. بۇدان بولەك، كومپانيا قىزىلوردا جانە جامبىل وبلىستارىندا كۇن ەنەرگەتيكاسى سالاسىندا ەكى جوبانى ىسكە اسىردى.

ۇكىمەت باسشىسى J.P. Morgan جانە TotalEnergies باسشىلارىمەن كەزدەستى

«سىزدەردىڭ قازاقستانعا دەگەن قىزىعۋشىلىقتارىڭىزدى قولدايمىز جانە مۇناي-گاز سالاسىنداعى ينۆەستيتسيالىق جوسپارلاردى ىسكە اسىرۋعا كومەك كورسەتۋگە دايىنبىز»، — دەدى ءاليحان سمايىلوۆ.

J.P. Morgan كومپانياسىنىڭ رەسەي جانە تمد ەلدەرىندەگى پرەزيدەنتى يان تاۆروۆسكيمەن جاھاندىق ماكروەكونوميكالىق احۋال، حالىقارالىق قارجى ۇيىمدارىمەن ءوزارا ءىس-قيمىل، قازاقستاننىڭ الەمدىك كاپيتال نارىعىنا شىعۋ جونىندەگى جوسپارلارى تالقىلاندى.

ۇكىمەت باسشىسى J.P. Morgan كومپانياسىنىڭ قازاقستاندا 20 جىل بويى جۇمىس ىستەپ كەلە جاتقانىن جانە وسى ۋاقىت ىشىندە كليەنتتەردىڭ ەڭ كۇردەلى ماسەلەلەرىن شەشۋگە قابىلەتتى سەنىمدى جانە تۇراقتى سەرىكتەس رەتىندە تانىلعانىن اتاپ ءوتتى.

«ءبىز ءۇشىن دەكاربونيزاتسيالاۋ اياسىندا اعىمداعى جوسپارلاردى ىسكە اسىرۋ وتە ماڭىزدى. J.P. Morgan قۇزىرەتتىلىگىن ESG ستاندارتتارىن ازىرلەۋ جانە ولاردى جوبالارىمىزدا دۇرىس قولدانۋ ءۇشىن پايدالانعىمىز كەلەدى»، — دەدى ءاليحان سمايىلوۆ.

ۇقساس جاڭالىقتار

Back to top button