وزبەكستاندا ەتنوگراف مەكەمباي ومار ۇلىنىڭ كىتابىنىڭ تۇساۋكەسەرى ءوتتى

وزبەكستانداعى قازاق ۇلتتىق مادەني ورتالىعىنا ارنالعان مەكەمباي ومار ۇلىنىڭ «تاشكەنت قازاقتارى تاريحى جانە مادەني ءومىرى» اتتى كىتابىنىڭ تۇساۋكەسەرى ءوتتى دەپ حابارلادى turkystan.kz.

مەكەمباي ومار ۇلى اعارتۋشى، اقىن، ەتنوگراف وزبەكستانداعى قىبىراي اۋدانىنىڭ تۇزەل اۋىلىندا دۇنيەگە كەلگەن. قازاق ادەبيەتى گازەتىنىڭ لاۋرەاتى، وزبەكستان جانە قازاقستان جازۋشىلار وداعىنىڭ مۇشەسى جانە تۇران عىلىم اكادەمياسىنىڭ اكادەميگى. ءومىرىنىڭ سوڭىنا دەيىن وزبەكستان جازۋشىلار وداعى جانىنداعى قازاق ادەبيەتى كەڭەسىنىڭ توراعاسى قىزمەتىن اتقارعان.

اتالمىش كىتاپتىڭ تۇساۋكەسەرىنە «وتانداستار قورى» قەاق نىڭ پرەزيدەنتى ابزال ساپاربەك ۇلى، ۇلتارالىق بايلانىس جانە شەت ەلدەرمەن دوستىق كوميتەتى توراعاسىنىڭ كەڭەسشىسى زافاربەك احمەتوۆ، وزبەكستان قازاق ۇلتتىق مادەني ورتالىعى توراعاسى سەرىكباي ۇسەنوۆ جانە تاعى باسقا ەلگە بەلگىلى تۇلعالار قاتىستى.

مەكەمباي ومار ۇلى

ا. ساپاربەك ۇلى كىتاپتىڭ تۇساۋكەسەرىمەن قۇتتىقتاپ، بۇل كىتاپتىڭ شەتتەگى قازاقتار ءۇشىن ماڭىزى جوعارى ەكەنىنە توقتالدى. سەبەبى شەتتەگى اعايىندار جاقىن تۋىستان قىز الىسپاي، ءار قازاق ءوز شەجىرە، تاريحىن بىلۋىنە، ءوز سۇيىگىن تانۋىنا مۇمكىندىك بەرەتىن كىتاپ ەكەنىن ايتتى.

وزبەكستاندا ەتنوگراف مەكەمباي ومار ۇلىنىڭ كىتابىنىڭ تۇساۋكەسەرى ءوتتى

ۇقساس جاڭالىقتار

Back to top button