ادىلەت مينيسترلىگى: «نامىس» پارتياسىن تىركەۋ ماسەلەسى قارالىپ جاتىر

بۇل تۋرالى ۆيتسە-مينيستر الما مۇقانوۆا ورتالىق كوممۋنيكاتسيالار قىزمەتىندە وتكەن بريفينگتە ايتتى دەپ حابارلادى turkystan.kz.

«مەنىڭ بىلۋىمشە، قازىر «نامىس» پارتياسىن تىركەۋ ماسەلەسى قاراستىرىلىپ جاتىر. قازىرگى تاڭدا تىركەلگەن 6 پارتيا بار. تاعى بىرنەشە پارتيانى تىركەۋ جۇمىستارى 2019 جىلى باستالعانىن بىلەسىزدەر. بىراق قۇجاتتارىنداعى كەيبىر سايكەسسىزدىكتەرگە بايلانىستى ولاردى تىركەۋ جۇمىستارى توقتاتىلعان بولاتىن»، – دەدى ءمينيستردىڭ ورىنباسارى.

سونداي-اق، ول ەلباسى تۋرالى كونستيتۋتسيالىق زاڭ كۇشىن جويسا، پرەزيدەنت تۋرالى كونستيتۋتسيالىق زاڭ ەكس-پرەزيدەنت نۇرسۇلتان نازارباەۆقا ءتيىستى كەپىلدىكتەر بەرەتىنىن ايتتى.

«بۇكىل ەكس-پرەزيدەنتتەردى قامتيتىن نورما ءتيىستى كونستيتۋتسيالىق زاڭدا بار. ەلباسى تۋرالى زاڭ جوباسى جويىلسا دا، بىزدە پرەزيدەنت تۋرالى كونستيتۋتسيالىق زاڭ جوباسىندا ءتيىستى كەپىلدىكتەردى قامتيتىن نورمالار بار»، – دەدى الما مۇقانوۆا.

ۇقساس جاڭالىقتار

Back to top button