قازاقستاندا ۆەيپكە تىيىم سالىنۋى مۇمكىن

قازاقستاندا ۆەيپتەردى ساتۋعا جانە پايدالانۋعا زاڭدى تۇردە تىيىم سالۋ جوسپارلانىپ وتىر. بۇل تۋرالى ءماجىلىس دەپۋتاتى امانجان جامالوۆ ايتتى  دەپ حابارلادى turkystan.kz.

«وسى ۋاقىتقا دەيىن قازاقستاندا ەلەكتروندى تەمەكىگە ەشقانداي سالىق سالىنباعان. ددسۇ مالىمەتىنشە، بۇل تەمەكىلەر اسەر ەتۋ، قۇرامىنداعى نيكوتين جانە باسقا دا كورسەتكىشتەرى جاعىنان كادىمگى تەمەكى سياقتى. سوندىقتان، دەپۋتاتتار اكتسيز سالۋ تۋرالى شەشىم قابىلدادى. قازاقستاندا تەمەكى قوسپاسى بار ەلەكتروندى قۇرىلعىلار دەپ اتالاتىن ۆەيپتەردى ساتۋعا جانە پايدالانۋعا تىيىم سالاتىن دەنساۋلىق ساقتاۋ كودەكسىنە وزگەرتۋلەر ەنگىزۋ تۋرالى شەشىم قابىلداندى. ولاردى قازاقستاندا ساتۋعا جانە پايدالانۋعا تولىق تىيىم سالىنادى. سوندىقتان ءبىز سالىق كودەكسىنەن بۇل ۇعىمداردى الىپ تاستادىق»، – دەدى ءماجىلىس وتىرىسىندا.

ۇقساس جاڭالىقتار

Back to top button