جامبىل وبلىسى اكىمىنىڭ ورىنباسارى تاعايىندالدى

قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا جامبىل وبلىسى اكىمىنىڭ وكىمىنە سايكەس ەركىن ۇيسىمباەۆ جامبىل وبلىسى اكىمىنىڭ ورىنباسارى قىزمەتىنە تاعايىندالدى دەپ حابارلادى turkystan.kz.

نۇرجان نۇرجىگىتوۆ جاڭا ورىنباسارىن وبلىس اكتيۆىنە تانىستىرىپ، ءوڭىردى دامىتۋ جولىندا بىرقاتار ماڭىزدى مىندەتتى ناقتىلادى.

ەركىن ق ۇلىمباي ۇلى 1977 جىلى جامبىل وبلىسى قورداي اۋدانىندا تۋعان.

م.دۋلاتي اتىنداعى تاراز مەملەكەتتىك ۋنيۆەرسيتەتىن «ينجەنەر-مەحانيك»، ج.بالاساگىن اتىنداعى قىرعىز ۇلتتىق ۋنيۆەرسيتەتىن «قۇقىقتانۋ»، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن «مەملەكەتتىك جانە جەرگىلىكتى باسقارۋ» ماماندىقتارى بويىنشا تامامداعان.

ەڭبەك جولىن 1999 جىلى «سۇلتان تەگى يمپەكس» جشس-ىندە مەحانيزاتور بولىپ باستاعان.

ءار جىلدارى قورداي اۋدانى اكىمى اپپاراتىنىڭ باس مامانى، جامبىل وبلىسى اكىمدىگىنىڭ ىشكى ساياسات باسقارماسىنىڭ باس مامانى، ءبولىم باسشىسى، جامبىل وبلىسى اكىمى اپپاراتىنىڭ الەۋمەتتىك-ساياسي ءبولىمىنىڭ مەڭگەرۋشىسى، قورداي اۋدانى اكىمىنىڭ ورىنباسارى بولىپ ەڭبەك ەتكەن.

سونداي-اق 2012-2013 جىلدارى جامبىل وبلىسى اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى، 2013-2016 جىلدارى قازاقستان رەسپۋبليكاسى ءبىلىم جانە عىلىم مينيسترلىگىندە دەپارتامەنت ديرەكتورىنىڭ ورىنباسارى، جاستار ءىسى كوميتەتى توراعاسىنىڭ ورىنباسارى، 2016-2018 جىلدارى قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتى ديرەكتورىنىڭ ورىنباسارى، 2018-2019 جىلدارى قازاقستان رەسپۋبليكاسى قوعامدىق دامۋ مينيسترلىگىنىڭ قوعامدىق جاڭعىرتۋ دەپارتامەنتى جاڭعىرتۋ باعدارلامالارىن ۇيلەستىرۋ باسقارماسىنىڭ باسشىسى، 2019-2020 جىلدارى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ەتنوسارالىق قاتىناستاردى دامىتۋ دەپارتامەنتى ديرەكتورىنىڭ ورىنباسارى قىزمەتتەرىن اتقارعان.

2020 جىلعى مامىردان باستاپ بۇگىنگى كۇنگە دەيىن قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ ەتنوسارالىق قاتىناستاردى دامىتۋ كوميتەتى توراعاسىنىڭ ورىنباسارى لاۋازىمىندا ەڭبەك ەتىپ كەلدى.

جاڭا ورىنباسار وبلىستىڭ مادەنيەت، تىلدەردى دامىتۋ، ىشكى ساياسات، ءبىلىم، سپورت، جاستار، ءدىن سالالارى بويىنشا جەتەكشىلىك ەتەدى.

ۇقساس جاڭالىقتار

Back to top button