«ءۇيدىڭ كىرپىشى تسەمەنتسىز قالانعان»: اكىمدىك پىكىر ءبىلدىردى (ۆيدەو)

قاراعاندى وبلىسى جاڭاارقا اۋدانىنىڭ اكىمدىگى كىرپىشى تسەمەنتسىز قالانىپ جاتقان كوپقاباتتى ۇيگە قاتىستى تۇسىنىك بەردى دەپ حابارلادى turkystan.kz قازاقپاراتقا سىلتەمە جاساپ.

جاڭاارقا اۋدانىنىڭ تۇرعىنى جاڭادان سالىنىپ جاتقان كوپقاباتتى ۇيلەردىڭ قۇرىلىس الاڭىنا بارىپ، ۆيدەو تۇسىرگەن. ول قابىرعاسى تۇرعىزىلعان نىساننىڭ ۇستىنە شىعىپ، كىرپىشتەر ەش بەكىتىلمەستەن، تسەمەنتسىز قالانىپ جاتقانىن كورسەتەدى. قازىر ۆيدەو الەۋمەتتىك جەلىدە تارالىپ جاتىر.

اۋدان باسشىلىعى بۇل جايتقا قاتىستى تۇسىنىك بەردى.

«الەۋمەتتىك جەلىلەردە جاريالانعان كوپقاباتتى تۇرعىن ءۇيدىڭ قۇرىلىسىن تەكسەرۋ بويىنشا اۋدان اكىمدىگىنىڭ جانىنان ارنايى كوميسسيا قۇرىلدى. بۇگىن، ساعات 10:00-دە، اۋدان اكىمىنىڭ ورىنباسارى ايقىن ەلەۋسىزوۆ، قۇرىلىس ءبولىمىنىڭ باسشىسى توقسان باباسوۆ، اۋدان پروكۋرورىنىڭ كومەكشىسى ماقسات بالتاشەۆ، قوعامدىق كەڭەس مۇشەسى راباني نۇركەەۆ، «اmanat» پارتياسىنىڭ حاتشىسى، اۋداندىق دەپۋتات ومىرزاق ۋاليەۆ، سونداي-اق اۋدان تۇرعىنى الماس قايرانبەكوۆ بارىپ تەكسەردى. نىساننىڭ باسىندا باس مەردىگەر، تەحنيكالىق قاداعالاۋ ماماندارى بولماعاندىقتان، اتالمىش ماماندار شاقىرىلىپ، قوسىمشا كەزدەسۋ جوسپارلاندى. قۇرىلىس باسىندا جۇرگەن جاۋاپتى قۇرىلىس جەتەكشىسىنە ازىرشە قۇرىلىستى توقتاتۋ تۋرالى تاپسىرما بەرىلدى»، – دەدى جاڭاارقا اۋدانى اكىمدىگىنىڭ ءباسپاسوز قىزمەتىنەن.

ۇقساس جاڭالىقتار

Back to top button