5 ايماقتا ەسكەرتۋ جاريالاندى

31 مامىر – 2 ماۋسىم ارالىعىندا الماتى وبلىسىنىڭ تاۋ جانە تاۋ ەتەگىندەگى اۋداندارى مەن الماتى قالاسى ماڭىنداعى تاۋلى اۋدانداردا جاۋىن-شاشىنعا بايلانىستى وزەندەردە سۋ دەڭگەيىنىڭ كوتەرىلۋى ىقتيمال دەپ حابارلادى turkystan.kz.

31 مامىردا الماتى وبلىسىنىڭ تاۋلى، تاۋ بوكتەرىندەگى اۋداندارىندا نوسەر جاۋىن جاۋىپ، نايزاعاي وينايدى، داۋىل سوعادى. كۇندىز كەي جەرلەردە بۇرشاق، داۋىل بولادى. سولتۇستىك-باتىستان جەل سوعادى، وبلىستىڭ وڭتۇستىگىندە جانە تاۋلى اۋداندارىندا 17-22 م/س، وبلىستىڭ شىعىسىندا ەكپىنى 24-29 م/س.

تالدىقورعان قالاسىندا 31 مامىردا نايزاعاي وينايدى. سولتۇستىك-باتىستان جەل سوعادى، نايزاعاي كەزىندە ەكپىنى 15-20 م/س جەتەدى.

31 مامىردا قاراعاندى وبلىسىنىڭ سولتۇستىگىندە، شىعىسىندا نايزاعاي، بۇرشاق، داۋىل كۇتىلەدى. وڭتۇستىك-باتىستان، باتىستان جەل سوعادى، تۇندە وبلىستىڭ باتىسىندا ەكپىنى 15-20 م/س، كۇندىز وبلىستىڭ باسىم بولىگىندە كۇشى 15-20 م/س، ەكپىنى 25 م/س جەتەدى.

قاراعاندى قالاسىندا كۇندىز نايزاعاي وينايدى. وڭتۇستىك-باتىستان، باتىستان جەل سوعادى، كۇندىز ەكپىنى 15-20 م/س جەتۋى مۇمكىن. جەزقازعان قالاسىندا 31 مامىردا باتىستان جەل سوعادى، كۇندىز ەكپىنى 15-20 م/س بولادى.

31 مامىردا كۇندىز قىزىلوردا وبلىسىنىڭ ورتالىعىندا شاڭدى داۋىل بولادى. جەل سولتۇستىكتەن سوعادى، كۇندىز وبلىستىڭ ورتالىعىندا كۇشى 15-20 م/س جەتەدى. وبلىس ورتالىعىندا توتەنشە ءورت قاۋپى ساقتالادى.

31 مامىردا سولتۇستىك قازاقستان وبلىسىنىڭ سولتۇستىگىندە، شىعىسىندا قاتتى جاڭبىر جاۋادى. وبلىستىڭ سولتۇستىگىندە، شىعىسىندا نايزاعاي، بۇرشاق، داۋىل كۇتىلەدى. سولتۇستىك-باتىستان، باتىستان جەل سوعادى، تۇندە وبلىستىڭ سولتۇستىگىندە، باتىسىندا ەكپىنى 15-20 م/س، كۇندىز باسىم بولىگىندە كۇشى 15-20 م/س، ەكپىنى 25 م/س بولادى.

پەتروپاۆل قالاسىندا 31 مامىردا نايزاعاي، بۇرشاق، داۋىل بولادى. سولتۇستىك-باتىستان، باتىستان جەل سوعادى، كۇشى 15-20 م/س، كۇندىز ەكپىنى 23 م/س-كە جەتۋى مۇمكىن.

ۇقساس جاڭالىقتار

Back to top button