Байден Ресейдің Батыс елдеріне газ тасымалдауды доғаруына қатысты пікір білдірді

АҚШ президенті Джо Байден Ақ үйде сөйлеген сөзінде Вашингтон Ресейдің Батыс елдері енгізген санкциялардың салдарына жол бермес үшін өз энергия ресурстарын пайдалануына жол бермейді, деп жазды turkystan.kz zakon.kz-ке сілтеме жасап. 

ТАСС хабарлағандай, Джо Байден Ресейдің Болгария мен Польшаға табиғи газды тасымалдауды доғаруына қатысты пікір білдірді.

«Бұл әрекеттер Ресейдің энергия ресурстары басқа елдердің қажеттіліктерін қанағаттандыруда сатылатын шикізат қана емес, сонымен қатар өз агрессиясына қарсы тұратындарға қарсы қолданатын қаруы екенін дәлелдейді. Ресейге санкцияларды айналып өту үшін қорқытуына немесе бопсалауына жол бермейтінімізді кесіп айта кетейін. Біз өз агрессиясы салдарына ұрынбас үшін оларды мұнайы мен газын пайдалануға жол бермейміз, – деді Байден.

Оның айтуынша, АҚШ әзірге Ресейден сатып алып жатқан қажетті ресурстармен Батысты қамтамасыз ету үшін басқа елдермен келіссөздер жүргізіп жатыр.

«Біз Ресей газымен бопсалап, қауіп төндіріп жатқан еуропалық одақтастарымызға басқа жолдар арқылы көмектесу үшін Оңтүстік Корея, Жапония, Катар және басқа елдермен жұмыс істеп жатырмыз», – деді АҚШ президенті.

Ұқсас жаңалықтар

Back to top button